MƏDƏNİYYƏT


AZƏRTAC-ın fotomüxbiri beynəlxalq fotomüsabiqənin mükafatlarına layiq görülüb

Bakı, 6 iyun, AZƏRTAC

AZƏRTAC-ın fotomüxbiri İlqar Cəfərov Serbiyada keçirilən “Good Light 2017” beynəlxalq fotomüsabiqənin eyni zamanda iki mükafatına layiq görülüb.

Müəllifin “Məktəbə” adlı fotoşəklinə МOL PA (Master of Light Photographic Association) bürünc medalı verilib. Bu fotoşəkil 25 il əvvəl, 1992-ci ilin fevral ayında Azərbaycanın Laçın rayonunda çəkilib.

Bu ilin aprel ayında Milli Gimnastika Arenasında bədii gimnastika üzrə dünya kuboku yarışları zamanı çəkilmiş “Cütlükdə uçuş” fotosu isə Amerika Fotoqraflar Cəmiyyətinin (PSA Honorable Mention) fəxri lentinə layiq görülüb.

Xatırladaq ki, Beynəlxalq Fotoqrafiya Sənəti Federasiyasının (FIAP) və Amerika Fotoqraflar Cəmiyyətinin himayəsi ilə keçirilən “Good Light 2017” beynəlxalq fotomüsabiqəyə dünyanın müxtəlif ölkələrindən 503 fotoqrafın 9445 işi təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.