İQTİSADİYYAT


AZPROMO ilə Pakistanın Ticarətin İnkişafı Qurumu arasında əməkdaşlığa dair Anlaşma Memorandumu imzalanıb

Bakı, 27 iyul, AZƏRTAC

Azərbaycanda İxracın və İnvestisiyaların Təşviqi Fondu (AZPROMO) ilə Pakistanın Ticarətin İnkişafı Qurumu arasında əməkdaşlığa dair Anlaşma Memorandumu imzalanıb.

İqtisadiyyat Nazirliyinin mətbuat xidmətindən AZƏRTAC-a bildiriblər ki, imzalanma iyulun 27-də İqtisadiyyat Nazirliyində Azərbaycan-Pakistan ticarət əməkdaşlığı üzrə İşçi Qrupunun birinci iclasında baş tutub. Memoranduma əsasən, tərəflər hər iki ölkənin iş adamları, işgüzar dairələri arasında əməkdaşlığın genişləndirilməsini, bazar araşdırmaları və investisiya layihələrinə dair məlumatların mübadiləsini, birgə müəssisələrin yaradılmasını, sərgilərdə, biznes xarakterli tədbirlərdə iştirakı təşviq edəcək.

İqtisadiyyat nazirinin müavini Sahil Babayevin və Pakistan İslam Respublikasının ticarət katibi Məhəmməd Yunus Dağanın həmsədrlik etdiyi iclasda iqtisadiyyatın müxtəlif sahələrində əlaqələrin mövcud vəziyyəti, xüsusilə ticarət əlaqələrinin genişləndirilməsi imkanları müzakirə edilib, bu istiqamətdə növbəti addımlar nəzərdən keçirilib.

İclasda ölkə rəhbərlərinin siyasi iradəsi və dəstəyi ilə strateji tərəfdaşlıq səviyyəsinə yüksəlmiş Azərbaycan-Pakistan münasibətlərinin əhəmiyyəti və iqtisadi əməkdaşlığın inkişafı üçün geniş potensialın olduğu vurğulanıb.

Tərəflər investisiya, sənaye, turizm, nəqliyyat, tranzit yükdaşımalar, kənd təsərrüfatı, ərzaq məsullarının istehsalı və digər sahələrdə əməkdaşlığın genişləndirilməsi, birgə müəssisələrin yaradılması imkanlarının araşdırılması, investisiya layihələrinin iş adamları arasında təşviq edilməsi, "Made in Azerbaijan" brendinin təbliği məqsədilə cari ildə Pakistana həyata keçirilmiş ixrac missiyasının nəticələrinı müzakirə edib, aparılmış təhlillərə əsasən ixrac edilə biləcək və rəqabətqabiliyyətli məhsul növləri barədə, habelə bu məhsulları istehsal edən yerli şirkətlərimiz haqqında müvafiq məlumatlar qarşı tərəfə təqdim edilib.

Azərbaycan-Pakistan ticarət əməkdaşlığı üzrə İşçi Qrupunun növbəti iclasının Pakistanda keçirilməsi barədə qərar verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.