DÜNYA


Açıq dənizdə 38 saat qalan çinli qadın möcüzə nəticəsində xilas olub

A+ A

Bakı, 16 avqust, AZƏRTAC

Səyahət gəmisinin göyərtəsindən yıxılan çinli turist qadın 38 saat açıq dənizdə qalıb.

AZƏRTAC Interfax informasiya agentliyinə istinadla xəbər verir ki, Şanxay şəhərinin 32 yaşlı Fen adlı sakini Yaponiya və Cənubi Koreyaya gedən kruiz gəmisində istirahət edirmiş. Dəniz mənzərəsindən vəcdə gələn turist qadın göyərtədən aşağıya çox əyildiyindən müvazinətini itirərək təxminən yeddi mərtəbəli ev hündürlüyündən dənizə düşüb.

Onunla birlikdə səyahət edən valideynləri qızlarının yoxa çıxmasından yalnız bir neçə saat sonra xəbər tutublar. Yeməksiz və susuz, xilasedici jileti olmayan turist qadın iki gün açıq dənizdə qalıb. Xoş təsadüf nəticəsində balıqçı qayığına rast gələn Fen xilas olub. O, böyük hündürlükdən suya düşməsinə baxmayaraq, heç bir xəsarət almayıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.