CƏMİYYƏT


Adamların əksəriyyəti özləri də hiss etmədən normadan çox yeyir

A+ A

Bakı, 10 avqust, AZƏRTAC

Son on ildə adamlar daha az kalorili yeməklər yesələr də, piylənmə ildən-ilə artır.

AZƏRTAC “medvesti.com” saytına istinadla xəbər verir ki, “BIT” şirkətinin əməkdaşları bunun səbəbini öyrənməyə çalışıblar. Tədqiqat göstərib ki, adamların əksəriyyəti özləri də hiss etmədən normadan çox yeyir.

Yaşlı insanın qida rasionunda orta hesabla 2000 kalori olmalıdır. Fiziki əməklə məşğul olan kişilərə daha çox, ofisdə əyləşən qadınlara daha az kalori lazımdır. Alimlər müəyyən ediblər ki, insanlar gündə orta hesabla təxminən 3000 kalori qəbul edir, yəni normadan 150 faiz çox yeyirlər.

Qidada kalorinin miqdarına nəzarət etmək asandır, bunun üçün sadə həqiqəti dərk etmək kifayətdir. Şirniyyat həmişə kalorilidir. İki konfetdə suda bişmiş böyük ət tikəsində olduğu miqdarda kalori ola bilər. Yarım litr kolada 200 kalori var. Bulkada da eyni miqdarda kalori var. Məhz bu cür məhsullar normadan çox yeməyin həcmini təşkil edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.