ELM VƏ TƏHSİL


Ədəbiyyat fondunda Azərbaycan dilində 90 minə yaxın kitab saxlanılır

Bakı, 23 dekabr, AZƏRTAC

Azərbaycan Milli Elmlər Akademiyasının (AMEA) Mərkəzi Elmi Kitabxanasında Azərbaycan ədəbiyyatı fondunun incilərinin təqdimatı olub.

AZƏRTAC xəbər verir ki, tədbirdə kitabxananın direktoru Leyla İmanova Azərbaycan ədəbiyyatı fondunun əhəmiyyətindən danışıb. Bildirib ki, tədbirin keçirilməsinin məqsədi kitabxanada mühafizə olunan zəngin ədəbiyyatı, burada əksini tapan fakt və həqiqətləri geniş ictimaiyyətə çatdırmaqdır.

Hazırda milli ədəbiyyata marağın 20-25 il əvvələ nisbətən artdığını deyən kitabxananın fondların mühafizəsi bölməsinin rəhbəri Xuraman İsmayılova bildirib ki, hazırda ədəbiyyat fondunda Azərbaycan dilində 90 minə yaxın kitab mühafizə olunur.

Sonra “Məhsəti şairlər məclisi” idarə heyətinin sədri, Azərbaycan Yazıçılar Birliyinin üzvü, filologiya üzrə fəlsəfə doktoru Fəridə Ləman “Can, Azərbaycan” adlı almanaxını,

AMEA-nın Nizami adına Ədəbiyyat İnstitutunun aparıcı elmi işçisi, filologiya üzrə fəlsəfə doktoru Esmira Fuad müəllifi olduğu beş kitabı kitabxanaya hədiyyə ediblər.

“Məhsəti şairlər məclisi”nin üzvləri Güləmail Murad, Cəvahir Qaraqızı, Yeganə Nur, Arzu Nehrəmli və başqaları Vətən, Qarabağ həsrəti, təbiət haqqında şeirlər söyləyiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.