CƏMİYYƏT


Ədliyyə Nazirliyi ilə GİZ arasında hüquqi sahədə faydalı əməkdaşlıq davam edir

A+ A

Bakı, 24 noyabr, AZƏRTAC

Almaniya Beynəlxalq Əməkdaşlıq Cəmiyyətinin (GİZ) “Cənubi Qafqazda hüquq sahəsində Avropa standartlarına yaxınlaşma” regional proqramının rəhbəri Tomas Meyer, Azərbaycan üzrə layihənin sabiq rəhbəri Tomas Herman və onu əvəz edən Filip Yan ilə Ədliyyə Nazirliyində görüş keçirilib.

Ədliyyə Nazirliyinin mətbuat xidmətindən AZƏRTAC-a bildiriblər ki, ədliyyə nazirinin müavini Azər Cəfərov ilə keçirilən görüşdə GİZ-in respublikamızla səmərəli əməkdaşlığından məmnunluq ifadə olunub. Həmçinin ölkəmizdə aparılan mütərəqqi məhkəmə-hüquq islahatlarından, bu sahədə Cəmiyyətlə birgə həyata keçirilən layihənin uğurlu nəticələrindən bəhs edilib.

Sonra ədliyyə naziri Fikrət Məmmədov GİZ-in nümayəndələri ilə görüşüb.

Almaniya Beynəlxalq Əməkdaşlıq Cəmiyyəti ilə hüquqi sahədə əməkdaşlığın uğurla inkişaf etdiyini söyləyən nazir məhkəmə-hüquq sisteminin müasirləşdirilməsi üzrə həyata keçirilən genişmiqyaslı işlərdə, o cümlədən inzibati ədliyyə, hakimlərin tədrisi sahəsində GİZ-in mühüm töhfələrini vurğulayıb, təşkilatın xətti ilə keçirilmiş müxtəlif tədbirlərdə iştirakını məmnunluqla xatırladıb. Nazir qurumun Azərbaycan ilə bağlı layihələrinə uzun müddət uğurla rəhbərlik etmiş T.Hermanın xidmətlərini xüsusilə qeyd edib. F.Məmmədov GİZ ilə əlaqələrin genişləndirilməsi üçün yaxşı imkanların olduğunu bildirib, layihənin yeni rəhbəri Filip Yana fəaliyyətində uğurlar arzulayıb.

Azərbaycanın hərtərəfli inkişafından məmnun olduqlarını söyləyən qonaqlar GİZ-in iyirmi ilə yaxındır ölkəmizlə sıx əməkdaşlıq etdiyini vurğulayaraq, hüquqi sahədə qarşılıqlı fəaliyyətin bundan sonra da dərinləşdirilməsinə hazır olduqlarını bildiriblər. GİZ nümayəndələri respublikamızda məhkəmə-hüquq sistemindəki islahatları yaxından izlədiklərini qeyd edərək, bu sahədə əldə olunan nailiyyətləri maraqla qarşılayıb, Ədliyyə Nazirliyi ilə əməkdaşlığı yüksək qiymətləndirib, nazirliyin kollektivini peşə bayramı günü münasibətilə təbrik ediblər.

Sonra qonaqlar nazirlikdə ədliyyə tarixi muzeyi ilə tanış olublar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.