İDMAN


Aerobika gimnastikası üzrə ikinci Azərbaycan birinciliyi və Bakı çempionatı keçirilib

A+ A

Bakı, 1 oktyabr, AZƏRTAC 

Oktyabrın 1-də aerobika gimnastikası üzrə ikinci Azərbaycan birinciliyi və Bakı çempionatı keçirilib.

AZƏRTAC xəbər verir ki, 35 gimnastın qatıldığı yarışlar Heydər Əliyev adına İdman-Konsert Kompleksində keçirilib. Ölkəmizdə 2013-cü ilin sonlarından inkişaf edən aerobika gimnastikası üzrə çempionatda “Ocaq Sport” Klubunun nümayəndələri medallar uğrunda mübarizə aparıblar.

Turnirdə idmançılar fərdi kişi (gənclər 15-17 yaş, böyüklər 18 və daha yuxarı yaş), fərdi qadın (uşaqlar 7-8, balacalar 9-11 yaş, yeniyetmələr 12-14 yaş, gənclər 15-17 yaş) və qadın üçlüyü (uşaqlar 7-8 yaş, balacalar 9-11 yaş, yeniyetmələr 12-14 yaş) proqramları üzrə məharətlərini nümayiş etdiriblər.

Əvvəlcə aerobika haqqında yarış iştirakçılarına məlumat verilib.

Açılış mərasimindən sonra qız gimnastlar arasında fərdi proqram üzrə 7-8 və 9-11 yaş qrupları üzrə idmançılar çıxış ediblər. Sonra üçlük tərkibində 7-8 və 9-11 yaşlı gimnastların çıxışları olub. Daha sonra qadınlar və kişilər arasında yeniyetmələr, gənclər və böyüklər, həmçinin üçlük tərkibində çıxış edən 12-14 yaşlı gimnastların fərdi proqram üzrə yarışları keçirilib.

Sonda hər iki turnirin qalibləri mükafatlandırılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.