REGİONLAR


Afaq Bəşirqızı və Valeh Kərimovun da rol aldığı “Toy olsun” komediyası Bakı səhnəsində

Sumqayıt, 29 iyun, Ətrabə Rzayeva, AZƏRTAC

Hüseyn Ərəblinski adına Sumqayıt Dövlət Dram Teatrında premyerası uğurla keçən “Toy olsun” (İsi Məlikzadə, Süleyman Ələsgərov) komediyası tamaşaçıların istəyi nəzərə alınaraq, Bakı teatrlarında da oynanılacaq.

Teatrın direktoru, Əməkdar Mədəniyyət İşçisi İslam Həsənov AZƏRTAC–a bildirib ki, Xalq artistləri Afaq Bəşirqızı və Valeh Kərimovun da iştirak etdikləri maraqlı səhnə əsəri iyulun 4-də Səməd Vurğun adına Rus Dram Teatrında nümayiş olunacaq.

Tamaşanın quruluşu teatrın baş rejissoru Əməkdar Artist Firudin Məhərrəmova aiddir. Səhnə əsərində Əməkdar artistlər İzaməddin Bağırov, Növrəstə Həşimova, İlahə Səfərova, Cəlal Məmmədov, aktyorlar Sədaqət Nuriyeva, Oktay Mehdiyev, Akif Mirzəyev yer alıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.