CƏMİYYƏT


Əflatun Amaşov: Azərbaycan mətbuatının möhkəm maddi-texniki bazası var

A+ A

Tbilisi, 9 iyul, AZƏRTAC

Azərbaycan mətbuatı çox sürətli inkişaf yolu keçib. Dövlətimizin qayğısı nəticəsində bu gün ölkə mətbuatının çox möhkəm maddi-texniki bazası var. Bu baza istər iqtidar, istərsə də müxalifət yönümlü qəzetlərə, informasiya portallarına tam azad, sərbəst fəaliyyət göstərməyə geniş imkanlar yaradır.

Bu sözləri AZƏRTAC-a müsahibəsində Azərbaycan Mətbuat Şurasının sədri, Milli Məclisin deputatı Əflatun Amaşov söyləyib.

Mətbuat Şurasının sədri bildirib ki, bu gün Azərbaycan mətbuatı – qəzet və jurnallar, televiziya və radiolar, informasiya portalları, sosial şəbəkələr ölkə əhalisini həm daxildə, həm də xaricdə baş verən hadisələrlə operativ şəkildə məlumatlandırır. Ölkə əhalisinin 70 faizdən çoxu internetdən istifadə edir. Azərbaycan mətbuatının heç kimdən asılılığı yoxdur. Milli mətbuatımız ölkədə baş verən hadisələrin dünya ictimaiyyətinə çatdırılmasında da mühüm rol oynayır. Biz bunun şahidiyik və dünya ictimaiyyəti də bunu təsdiq edə bilər.

Ə.Amaşov qeyd edib ki, Azərbaycan milli mətbuatının bugünkü durumu, ölkəmizdəki söz, mətbuat, fikir və ifadə azadlığı barədə Tbilisidə keçirilən Cənubi Qafqaz ölkələri mediasının 13-cü konfransında da məlumat verilib. Konfrans iştirakçıları Azərbaycan mətbuatının inkişafı, güclü maddi-texniki bazaya malik olması ilə bağlı məlumatlardan razı qalıblar.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.