DÜNYA


Əfqanıstanda dövlət telekompaniyasının yaxınlığında partlayış törədilib

Bakı, 17 may, AZƏRTAC

Əfqanıstanın Nanqarhar əyalətinin administrativ mərkəzi olan Cəlalabad şəhərində mayın 15-də hücuma məruz qalan dövlət televiziyasının binası qarşısında yenidən partlayış baş verib.

AZƏRTAC xarici KİV-lərə istinadla xəbər verir ki, hadisə mayın 17-də yerli vaxtla saat 10:00-da baş verib. Əyalət qubernatorunun nümayəndəsi Ataullah Hoqiani partlayışdan sonra silahlı qrupun binaya daxil olduğunu təsdiqləyib.

“Tolo News” telekanalı təhlükəsizlik qüvvələri ilə hücum edənlər arasında atışma baş verdiyini, həmçinin telekanala məxsus binada atəş səslərinin eşidildiyini bildirir.

Interfax agentliyinin RTA telekompaniyasına istinadla yaydığı məlumata görə, hələlik hücum nəticəsində bir nəfərin həlak olduğu, 14 nəfərin isə yaralandığı məlumdur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.