DÜNYA


Əfqanıstanda terror aktı: azı 18 nəfər ölüb, 6 nəfər yaralanıb

Bakı, 27 may, AZƏRTAC

Bu gün səhər saatlarında Əfqanıstanın cənub-şərqində yerləşən Xost şəhərində terror aktı törədilib.

AZƏRTAC TASS informasiya agentliyinə istinadla xəbər verir ki, partlayış nəticəsində azı 18 nəfər, o cümlədən 2 uşaq ölüb.

TOLOnews telekanalının Əfqanıstan Daxili İşlər Nazirliyinin nümayəndəsinə istinadla yaydığı məlumata görə, terrorçu-kamikadze minalanmış avtomobili şəhər avtobus parkının ərazisində partladıb. Terror hücumu nəticəsində 6 nəfərin də yaralandığı bildirilir.

Bununla yanaşı, belə məlumatlar da daxil olur ki, partlayış hərbi bazanın yaxınlığında baş verib.

Hələlik hadisənin məsuliyyətini ölkədə fəaliyyət göstərən terror qruplaşmalarının heç biri üzərinə götürməyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.