DÜNYA


Əfqanıstanda yerləşən ABŞ hərbi bazasının 8 mühafizəçisi öldürülüb

Bakı, 20 iyun, AZƏRTAC

Əfqanıstanın şərqində yerləşən Pərvan əyalətində naməlum şəxslərin hücumu nəticəsində ABŞ hərbi bazasının 8 mühafizəçisı öldürülüb, 2 nəfər isə yaralanıb.

AZƏRTAC TASS informasiya agentliyinə istinadla xəbər verir ki, insident iyunun 19-dan 20-ə keçən gecə ABŞ və NATO-nun bu ölkədəki əsas hərbi obyektlərindən biri sayılan “Baqram” aviabazanın yaxınlığında baş verib. Mühafizəçilər avtomobillə bazaya yollanan zaman pusquya düşüblər.

Hücum edən şəxslər hadisə yerindən uzaqlaşıb. Həlak olanların Əfqanıstan vətəndaşları olduğu bildirilir.

Hadisə ilə əlaqədar təhqiqat başlayıb. Əfqanıstanda fəaliyyət göstərən heç bir qruplaşma hadisənin məsuliyyətini hələlik üzərinə götürməyib.

Qeyd edək ki, 2014-cü ildə Amerikanın hərbi kontingenti Əfqanıstanı tərk etdikdən sonra ölkənin cənub rayonlarının bir çoxu “Taliban” hərəkatının nəzarətinə keçib. Son zamanlar bəzi kənd rayonlarında üstünlüyə yiyələnən yaraqlılar böyük şəhərlər istiqamətində hücumları davam etdirirlər. Həmçinin regionda İŞİD qruplaşması da aktiv fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.