Ağcabədidə 19 min hektardan çox sahədə yazlıq səpin həyata keçirilib
Ağcabədi, 6 may, AZƏRTAC
Ağcabədi rayonunda yaz-tarla işləri geniş vüsət alıb. Fermer və torpaq mülkiyyətçiləri əkin-səpin aparır, torpağa və bitkilərə lazımi aqrotexniki qulluq göstərirlər.
Ağcabədi Rayon Statistika İdarəsinin rəisi Elsevər İsmayılov AZƏRTAC-ın bölgə müxbirinə bildirib ki, bu günədək 19 min 089,8 hektar sahədə yazlıq səpin həyata keçirilib. Əkinlərin 131 hektarı yazlıq buğda, 1616 hektarı qarğıdalı, 1116 hektarı soya, 9345,3 hektarı pambıq, 883,4 hektarı şəkər çuğunduru, 193 hektarı kartof, 793,6 hektarı tərəvəz, 333,5 hektarı bostan bitkiləri, 4678 hektarı təzə yoncadır.
Hazırda sahələrdə yaz-tarla əkinləri davam edir.
Bölmənin digər xəbərləri
