CƏMİYYƏT


Ağcaqanadları uzaqlaşdırmaq üçün istifadə etdiyimiz maddələr toksiki təsir göstərə bilər

Bakı, 14 iyul, AZƏRTAC 

Mütəxəssislərin fikrincə, ağcaqanad sancması malyariya, laym və s. xəstəliklərin yaranmasına səbəb ola bilər. Bundan əlavə, ekspertlər allergiyalı insanlara ağcaqanad dişləmindən qorunmağı məsləhət görürlər. Çünki ağcaqanadın tüpürcəyində güclü allergen maddə var.

Hazırda satışda olan ağcaqanadqovucular 1954-cü ildən pestisidlər deyilən həşəratqovucu kimyəvi maddədən hazırlanır. Sprey və ya kremi çox az miqdarda, bədənin sadəcə müəyyən nahiyələrində istifadə etmək olar. Əks halda bu maddələr toksiki təsir göstərə bilər.

Azərbaycan Tibb Universitetindən AZƏRTAC-a bildiriblər ki, ağcaqanadları tərli və nəmli dərinin, eləcə də tünd rəngli paltarların özünə cəlb etdiyini nəzərə almaq lazımdır. Həşəratların mexaniki üsulla qarşısını almaq üçün xüsusi ağcaqanad torları mövcuddur. Bundan əlavə, bu növ həşəratların uzaqlaşdırılması üçün ev şəraitində lavanta, limon, nanə yağları, eləcə də mixəklə hazırlanmış xüsusi spreylərdən istifadə etmək olar. Eyni zamanda, ağcaqanadlar portağal qabığı iyini də sevmirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.