İDMAN


Ağır atletika yarışlarında ölkəmizə ilk medalı Səbinə Əzimova qazandırıb

Bakı, 13 may, AZƏRTAC

“Bakı-2017” IV İslam Həmrəyliyi Oyunlarının ağır atletika yarışında 53 kiloqram çəki dərəcəsində qadınların mübarizəsində birinci yerə türkiyəli idmançı Bediha Tunacı çıxıb.

AZƏRTAC xəbər verir ki, B.Tunacı birdən qaldırmada 80, təkanla qaldırmada isə 102 kiloqram nəticə göstərib. Ümumilikdə 182 kiloqramı ram edən türkiyəli atlet “Bakı-2017”nin çempionu olub.

Yarışda ikinci yeri tutan indoneziyalı Devi Safitrin isə toplam 177 kiloqramlıq (78+99 kq) nəticə göstərib. Həmyerlimiz Səbinə Əzimova isə 176 kiloqramlıq (75+101 kq) nəticə ilə bürünc mükafata yiyələnib.

Daha bir təmsilçimiz Gülçin Əlizadə isə sıralamada dördüncü olub.

İdmançılara medalları İslam Həmrəyliyi İdman Federasiyasının idarə heyətinin üzvü Adel Muhammad Zahra təqdim edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.