REGİONLAR


Ağstafada məktəbəhazırlıq qruplarına 374 uşaq cəlb olunub

A+ A

Ağstafa, 8 oktyabr, AZƏRTAC

Ağstafa rayonunda da məktəbəhazırlıq qruplarında dərslər başlayıb.

Azərbaycan Respublikası Nazirlər Kabinetinin 2016-cı il 11 iyul tarixli qərarına əsasən, dövlət ümumi təhsil məktəblərində yaradılmış məktəbəhazırlıq qruplarına 5 yaşı həmin il tamam olmuş uşaqlar qəbul olunublar.

Ağstafa Rayon Təhsil Şöbəsinin ictimaiyyətlə əlaqələr üzrə məsul şəxsi Nəcibə Vəliyeva AZƏRTAC-a bildirib ki, dövlət hesabına aparılan məktəbəhazırlıq qruplarına 374 uşaq cəlb edilib. Rayon üzrə 29 məktəb olmaqla 35 qrup təşkil edilib və hər qrupa bir müəllim rəhbərlik edir.

Məktəbəhazırlıq qruplarının 2016-2017-ci dərs ilinə aid tədris planına əsasən, məşğələlər həftədə 4 gün (12 saat) keçiriləcək. Bu qruplara bir gün ərzində 3 məşğələ tədris olunacaq. Bir məşğələnin müddəti 30 dəqiqə, məşğələlərarası fasilə 10 dəqiqə müəyyən edilib.

Məktəbəhazırlıq qruplarında dərs ili iki yarım ilə bölünəcək və oktyabrın 3-də başlanan məşğələlər mayın 31-də başa çatacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.