REGİONLAR


Ağstafada selin dağıtdığı körpü bərpa olunub

A+ A

Ağstafa, 5 iyul, AZƏRTAC

Son günlər havaların kəskin dəyişməsi və güclü yağışların yağması nəticəsində Ağstafa rayonunun ərazisindən keçən çaylarda suyun səviyyəsi xeyli artıb.

Rayon icra hakimiyyətindən AZƏRTAC-a bildiriblər ki, Həsənsu çayının Ermənistan ərazisindən keçən hissəsində su bəndinin açılması çayın keçdiyi Tatlı və Göycəli kəndlərində sel sularının artmasına səbəb olub, nəticədə keçid və körpülərə ciddi ziyan dəyib. Tatlı kəndində körpü yararsız hala düşüb. Çayda suyun səviyyəsi təmir-quraşdırma işlərinin aparılmasına imkan verən kimi körpünün bərpasına başlanılıb. Müvafiq ağır texnikanın və işçi qüvvəsinin cəlb edilməsi ilə Tatlı kəndində Həsənsu çayının üzərindəki körpü bərpa olunub. Bundan başqa, çay sularının sahil zolaqlarına vurduğu ziyan da aradan qaldırılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.