REGİONLAR


Ağstafada xalçaçılıq müəssisəsi inşa olunur

Ağstafa, 2 fevral, AZƏRTAC

Prezident İlham Əliyevin tapşırığına uyğun olaraq, Ağstafa rayonunda ənənəvi istehsal və emal sahələrinin bərpası istiqamətində ardıcıl iş görülür. Rayonda xalçaçılığın qədim tarixinin olmasını nəzərə alaraq, yeni xalça istehsalı müəssisəsinin tikintisi nəzərdə tutulub.

Rayonda “Azərxalça” ASC-nin Ağstafa xalça toxuculuğu müəssisəsinin tikintisinə başlanılıb.

İcra hakimiyyətindən AZƏRTAC-a bildiriblər ki, müəssisənin tikintisi üçün 0,50 hektar torpaq sahəsi ayrılıb. Həmin müəssisədə işləyəcək ixtisaslı kadrların hazırlanması üçün rayondakı Heydər Əliyev Mərkəzində xalçaçılıq dərnəyi açılıb. Müəssisə işə salındıqdan sonra burada 120 nəfər daimi işlə təmin olunacaq. Müəssisənin tikinti işləri sürətlə davam edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.