REGİONLAR


Ağstafalı fermerlər çuğundur sahələrindən bol məhsul götürəcəklərini proqnozlaşdırırlar

Ağstafa, 16 may, Famil Quliyev, AZƏRTAC

Ağstafa rayonunda ilk dəfə olaraq cari ildən şəkər çuğundurunun əkininə başlanılıb. 300 hektar sahədə toxum səpilib. Mütəxəssislər bu il məhsulun bol olacağını proqnozlaşdırırlar. Bir hektardan təsərrüfatçılar 100 tona qədər məhsul götürəcəklərinə inanırlar.

Fermer Qədir İsgəndərov AZƏRTAC-ın müxbiri ilə söhbətində deyib: “Şəkər çuğundurunun suvarma işləri yekunlaşır. Yüksək məhsuldarlıq gözləyirik. Hektardan azı 80-100 ton məhsul götürməyi qarşımıza məqsəd qoymuşuq.”

Son illər şəkər çuğunduru əkininə maraq artmaqdadır. Ağstafalı təsərrüfatçılar, eyni zamanda, çuğunduru dəmyə ərazilərdə də yetişdirirlər. Burada da bitkinin çıxışı uğurlu alınıb. Havaların yağışlı keçməsi çuğundurun məhsuldarlığına müsbət təsir göstərir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.