REGİONLAR


Ağsu çayında güclü sel ciddi fəsadlar törədib

A+ A

Ağsu, 19 oktyabr, AZƏRTAC

Son günlər yağan güclü yağışlar nəticəsində Ağsu çayında suyun səviyyəsi qalxıb və yaranan güclü sel ciddi fəsadlar törədib.

Rayon fövqəladə hallar komissiyasından AZƏRTAC-a bildiriblər ki, sel suları şəhər ərazisindəki qaldırıcı fiksatoru, Maşadqanlı və Ağalarbəyli kəndlərinin ərazisində 2010-cu ildə tikilən sahil-mühafizə bəndini uçurub. Bəndin ərazisinə ciddi ziyan dəyib.

Sel suları dağlıq zonada yerləşən Kalva kəndi ərazisində çayın məcrasını şərq tərəfə doğru genişləndirib. Bu isə Kalva kəndini rayon mərkəzi ilə birləşdirən yolun üzərindəki körpü ilə əlaqənin kəsilməsi təhlükəsini yaradıb.

Hazırda sel sularının yaratdığı fəsadların aradan qaldırılması üçün tədbirlər görülür.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.