REGİONLAR


Ağsu heyvandarları yarım ili uğurla başa vurublar

A+ A

Ağsu, 16 iyul, AZƏRTAC

Ağsu rayonunda yarım ildə heyvandarlıq məhsulları istehsalı ötən ilin müvafiq dövrü ilə müqayisədə xeyli artıb.

Rayon statistika idarəsindən AZƏRTAC-a verilən məlumatda bildirilir ki, cari ilin altı ayında rayonda ət istehsalı (diri çəkidə) ötən ilin müvafiq dövrünə nisbətən 14 ton artaraq 2450 tona, süd istehsalı 124 ton artaraq 57214 tona çatıb. Habelə, altı ayda 5 milyon 28 min ədəd yumurta, 303 ton yun istehsal edilib ki, bu da ötən illə müqayisədə müvafiq olaraq 35 min ədəd və 2 ton çoxdur.

Qeyd edək ki, rayonda kənd təsərrüfatında aparıcı sahələrdən olan heyvandarlıqda mal-qaranın və davarların baş sayı da artıb. Hazırda bölgədə 40747 baş iribuynuzlu mal-qara, 164429 baş qoyun-keçi var. Keçən ilin müvafiq dövrü ilə müqayisədə iribuynuzlu mal-qara 71 baş, davarlar isə 4289 baş çoxalıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.