REGİONLAR


Ağsu pambıqçıları indiyədək 226,2 ton məhsul yığıblar

A+ A

Ağsu, 22 sentyabr, AZƏRTAC

Ağsu rayonunda pambıq yığımı sürətlə davam etdirilir və artıq tarlalardan 226,2 ton məhsul yığılıb.

Rayon kənd təsərrüfatı idarəsindən AZƏRTAC-a bildirilib ki, son günlər havaların əlverişli keçməsi tarlalarda işlərin ahəngdar gedişinə imkan verir. Hər gün sahələrə orta hesabla 480-500 nəfər işçi qüvvəsi çıxır. Hər yerdə, o cümlədən daha çox pambıq əkilən Bozavand, Rəhimli, Ərəbuşağı, Çaparlı ərazi dairələrində məhsulun itkisiz yığılması üçün bütün qüvvələr səfərbər edilib.

Cari mövsümdə rayonda 1098 hektarda pambıq yetişdirilib. Sahələrin 500 hektarının məhsulu maşınla yığılacaq. Bunun üçün artıq son hazırlıq işləri aparılır.

Mütəxəssislər bu il tarlalardan 2000 ton “ağ qızıl” toplanacağını proqnozlaşdırırlar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.