REGİONLAR


Ağsulu fermer istixana təsərrüfatında məhsul istehsalını illik 500 tona çatdırmaq əzmindədir

Ağsu, 21 mart, AZƏRTAC

Ağsuda yerli sahibkara məxsus istixana təsərrüfatı 2 hektar genişləndirilərək 5 hektara çatdırılıb.

AZƏRTAC xəbər verir ki, avadanlıqları Türkiyədən gətirilməklə qurulan istixanada pomidor və xiyar müasir texnologiya ilə yetişdirilir. Artıq bir il yarımdır ki, fəaliyyət göstərən təsərrüfatda ötən il 200 tondan çox məhsul istehsal edilib. Yetişdirilən məhsullar Rusiya bazarlarına göndərilir.

Hazırda burada məhsul yığılır. Artırılan yeni sahələrdə isə xiyar və pomidor əkilib və indi becərmə işləri aparılır. İstixanada 71 nəfər işçi çalışır. Onların orta aylıq əmək haqqı 250 manatdır.

İstixananın illik istehsal gücünün 500 tona çatdırılması üçün tədbirlər görülür.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.