«Air Arabiya» Qəbələyə uçuşlar təşkil edəcək
Abu-Dabi, 21 yanvar, AZƏRTAC
Birləşmiş Ərəb Əmirliklərinin aşağı büdcəli «Air Arabia» aviaşirkəti MDB ölkələrindəki marşrut şəbəkəsinə daha bir istiqamət əlavə edir. Aviaşirkət bu il iyunun 27-dən Şarcə Əmirliyindən Qəbələyə uçuşlar həyata keçirəcək.
AZƏRTAC «Arabian Business» nəşrinə istinadla xəbər verir ki, «Air Arabia» şirkətinin Bakıya hər gün reysləri olur. Qəbələyə reyslər yay mövsümündə bazar ertəsi, çərşənbə və cümə günləri təşkil ediləcək. Respublikamızın tarixi mərkəzinə səyahətə tələbatın yüksək olacağı gözlənilir.
Hazırda «Air Arabia» Yaxın Şərq və Şimali Afrikadakı beş mərkəzdən Rusiya və MDB ölkələri də daxil olmaqla, bir çox istiqamətlərdə 113 reys həyata keçirir.
Asya Hacızadə
AZƏRTAC-ın xüsusi müxbiri
Abu-Dabi
Bölmənin digər xəbərləri
