İQTİSADİYYAT


“Akkord” Qazaxıstanda 70 milyon dollarlıq tenderin qalibi olub

Bakı, 24 iyul, AZƏRTAC

“Akkord Sənaye Tikinti İnvestisiya Korporasiyası” Qazaxıstan Respublikasında 70 milyon dollarlıq tenderin qalibi olub.

AZƏRTAC korporasiyanın saytına istinadən bildirir ki, Qazaxıstan Respublikasının paytaxtı Astanada sifarişçisi Qazaxıstan Respublikasının Yol Komitəsi, maliyyə dəstəkçisi Beynəlxalq Yenidənqurma və İnkişaf Bankı (IBRD) olan Kurty-Burilbaytal yolunun iki lotun inşası üzrə tender keçirilib. Tenderdə Qazaxıstan, Azərbaycan, Ukrayna, Türkiyə və Çindən olan 9 yerli və xarici şirkət iştirak edib. Respublikamızı təmsil edən, yerli və xarici infrastruktur layihələrin icrasında xüsusi təcrübəsi olan “Akkord Sənaye Tikinti İnvestisiya Korporasiyası” ASC ümumi dəyəri 70 milyon dollar olan hər iki lotun tikintisi üzrə tenderin qalibi elan edilib.

Hazırda 11 ölkədə nümayəndəliyi mövcud olan “Akkord Sənaye Tikinti İnvestisiya Korporasiyası” ASC 4 ölkədə aktiv fəaliyyəti ilə seçilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.