İDMAN


Aldana Saad Al-Mübarək: İslamiadanın hər bir iştirakçısı çempion olmaq arzusundadır

Bakı, 15 may, Əziz Məmmədov, AZƏRTAC

Bu gün həyatımın ən xoşbəxt günlərindən biridir. IV İslam Həmrəyliyi Oyunlarının hər bir iştirakçısı çempion olmaq arzusundadır. Bu gün bütün cəhdlərim uğurla nəticələndi. Mən sadəcə hədəfi düzgün nişan almağa çalışırdım və buna da nail oldum.

Bu sözləri AZƏRTAC-a məxsusi müsahibəsində “Bakı-2017” Oyunlarının 25 metrdən tapança ilə atəşaçma yarışlarının çempionu Aldana Saad Al-Mübarək söyləyib.

Qətərli idmançı Bakı və İslamiadanın təşkili barədə təəssüratlarını bölüşərək deyib: “Bakı və yüksək sürətlə inkişaf edən ölkəniz məndə çox güclü təəssüratlar oyatdı. İslamiada iştirakçıları Bakıda özlərini yaxşı hiss edirlər. Onlar Atletlər kəndində vaxtlarını səmərəli keçirirlər, çünki burada idmançılara hər cür şərait yaradılıb. Hesab edirəm ki, “Bakı-2017” təkcə İslam ölkələri üçün deyil, bütün dünya üçün möhtəşəm hadisədir. Oyunlar inanılmaz dərəcədə yüksək səviyyədə təşkil edilib. Mən mat qalmışam. İnsanlar mehriban və gülərüzdür, bu da mənim üçün çox əhəmiyyətlidir”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.