DÜNYA


Aleksandr Lukaşenko: Münaqişələrin həllində səyləri artırmaq üçün ATƏT-də islahatların aparılması vacibdir

Minsk, 5 iyul, AZƏRTAC

Münaqişələrin həllində səyləri artırmaq üçün ATƏT-də islahatların aparılması vacibdir. Bu fikri Belarus Prezidenti Aleksandr Lukaşenko ATƏT PA-nın rəhbəri ilə görüşündə çıxışı zamanı deyib.

A.Lukaşenko bildirib ki, ATƏT baş verən insidentlərə, münaqişələrə dərhal reaksiya verməlidir və bu çox yüksək səviyyədə, ATƏT-ə üzv olan ölkələrin dövlət rəhbərləri səviyyəsində edilməlidir. O deyib: “Görün son vaxtlar Avropa və digər ölkələrdə hansı neqativ hadisələr baş verib. ATƏT-ə üzv olan ölkə rəhbərləri hansı reaksiyaları veriblər? Heç bir reaksiya verilməyib. Avropada müharibə gedir - reaksiya yoxdur. Bu o deməkdir ki, ATƏT kimi təşkilatda problem mövcuddur”.

Belarus Prezidentinin sözlərinə görə, bu “xəstəliyi” öncədən müayinə edib, həll etmək lazımdır.

A.Lukaşenko hesab edir ki, bu gün ATƏT-in baş verən münaqişələrin həllinə təsir imkanını artırmaq hədəfi qoyulmalıdır.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.