İQTİSADİYYAT


Aleksandr Novak: Rusiya OPEC-in qərarından razıdır

A+ A

Bakı, 1 dekabr, Nihad Budaqov, AZƏRTAC

Rusiya Neft İxrac edən Ölkələr Təşkilatının (OPEC) neftin hasilat səviyyəsinin azaldılmasına dair qərarından razıdır.

AZƏRTAC “ria.ru”ya istinadla xəbər verir ki, bu barədə Rusiyanın energetika naziri Aleksandr Novak deyib. A.Novak OPEC-in razılığa gəldiyi neft hasilatının səviyyəsini sutkada 1,2 milyon barrel aşağı salınması qərarının neft bazarı üçün çox əhəmiyyətli bir addım olduğunu bildirib.

Neft bazarındakı tələb-təklif tarazlığının təmin olunması üçün alınan bu qərarın əhəmiyyətini qeyd edən rusiyalı nazir deyib: “OPEC-ə üzv olan ölkələr razılığa gəlinən bu qərara tabe olacaqları təqdirdə Rusiya da 2017-ci ilin birinci yarısında neft hasilatını gündəlik 300 min barrel azalda bilər.

Qeyd edək ki, dünən Vyanada keçirilən OPEC-in Nazirlər Şurasının 171-ci iclasında kartel üzrə neft hasilatının səviyyəsinin gündəlik 1,2 milyon barrel azaldılaraq, təxminən 33,24 milyon barrel olan gündəlik neft hasilatının 32,5 milyon barrel səviyyəsinə salınmasına qərar verilib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.