Bakı, 27 aprel, AZƏRTAC

Ali təhsil müəssisələrinə qəbul olunmaq istəyən abituriyentlər üçün (I, II, III və IV ixtisas qrupları üzrə) ərizələrin qəbulu davam edir.

Tələbə Qəbulu üzrə Dövlət Komissiyasından AZƏRTAC-a bildiriblər ki, aprelin 27-si saat 11.40-a olan məlumata görə 71 min 550 abituriyent öz elektron ərizəsini dolduraraq təsdiqini təmin edib. 6 min 457 abituriyent elektron ərizəsinə özü barədə məlumatları daxil etsə də, həmin ərizələr təsdiqlənməyib.

Ərizələri təsdiqlənməyən, həmçinin ərizə təqdim etməyən abituriyentlər qəbul imtahanına buraxılmayacaqlar. Həmin abituriyentlər qəbul imtahanlarında iştirak etmək üçün aprelin 30-dək bu prosesi yekunlaşdırmalıdırlar.