DÜNYA


Alimlər alkoqolizmin həqiqi səbəbini tapıblar

Bakı, 11 avqust, AZƏRTAC

İsveç alimləri indiyədək məlum olmayan və alkoqol asılılığa təsir edən neyro-mexanizm aşkar ediblər. Elmi mətbuatın şərhçiləri bildirirlər ki, bu kəşf alkoqolizmin müalicəsinin sonrakı üsullarına təsir edə bilər.

AZƏRTAC xəbər verir ki, Höteborqdakı Salqrensk Akademiyasının bir qrup alimi elmi ədəbiyyatda indiyədək təsvir edilməmiş, mədə hormonu qrelinin iştirakı ilə alkoqol asılılığının formalaşdığı beyin mexanizmi aşkar ediblər.

Qeyd edək ki, alkoqolizm İsveç üçün ən aktual problemlərdən biridir: ölkə əhalisinin təqribən 5 faizi alkoqolikdir.

Höteborq tədqiqatçılarının tədqiqatlarına görə, qrelinin beyinə təsiri bloka alınanda alkoqol orqanizmin daxili sisteminə cüzi təsir göstərir. Alkoqol asılılığına qarşı yeni müalicə metodunun işlənib hazırlanmasına imkan verən bu kəşfin əhəmiyyəti yalnız alkoqolizm problemləri ilə bağlı deyildir.

Fiziologiya professoru Süzanna Dikson deyib: “Qrelinin beyinə təsiri asılılıqların başqa növlərində, o cümlədən narkotik asılılığında və hətta qarınqululuq problemində mühüm rol oynaya bilər”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.