DÜNYA


Alimlər sosial şəbəkələrdən gələn əsas təhlükəni müəyyənləşdiriblər

A+ A

Bakı, 24 avqust, AZƏRTAC

Sosial şəbəkələrdə şəxsi hesaba malik olan və onlara xas olmayan xüsusiyyətlər nümayiş etdirməyə çalışan insanlar stress keçirir və təcrid olunmuş həyat tərzi sürürlər. Tasmaniya Universitetinin alimləri “Facebook” sosial şəbəkəsində apardıqları araşdırmadan sonra belə qənaətə gəliblər.

AZƏRTAC “lenta.ru” saytına istinadən xəbər verir ki, alimlərin sözlərinə görə, onların məqsədi sosial şəbəkədə öz alter-eqosundan istifadə zamanı yaranan vəziyyəti qiymətləndirmək olub. Onlar istifadəçilərin həqiqi və virtual şəxsiyyətlərini, sosial bağlılıq dərəcəsini və psixoloji rifahını, eləcə də həyəcan, stress və depressiya səviyyəsini müqayisə ediblər. Araşdırmada 164 nəfər iştirak edib.

Hazırda planet əhalisinin sayı 7.4 milyard nəfər, “Facebook”un aktiv istifadəçilərinin sayı isə təxminən 1,7 milyard nəfərdir. Alimlər belə hesab edirlər ki, əgər sosial-psixoloji problemləri olan insanlara özlərini həm real həyatda, həm də “Facebook” sosial şəbəkəsində eyni cür aparmağa imkan verən metod hazırlanarsa, bu, stressin səviyyəsini azaltmış olar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.