ELM VƏ TƏHSİL


Alimlərimiz “Şərq numizmatikası” mövzusunda konfransda iştirak edirlər

A+ A

Moskva, 26 sentyabr, AZƏRTAC

Sankt-Peterburqda Dövlət Ermitajı muzeyində “Şərq numizmatikası” mövzusunda konfrans keçirilir.

Rusiyadakı səfirliyimizdən AZƏRTAC-a bildiriblər ki, konfransda ölkəmizi Azərbaycan Milli Elmlər Akademiyasının (AMEA) Milli Azərbaycan Tarixi Muzeyinin şöbə müdiri, professor Əli Rəcəbli, AMEA-nın İnsan Hüquqları İnstitutunun böyük elmi işçisi Rizvan Hüseynov və Sankt-Peterburqda yaşayan soydaşımız, tarix elmləri namizədi Anar Sadıqov təmsil edir. Alimlərimizin konfransda iştirakı Azərbaycan Xarici İşlər Nazirliyinin göstərişinə əsasən, Rusiyadakı səfirliyimizin və Sankt-Peterburqdakı baş konsulluğumuzun birgə səyləri nəticəsində reallaşıb.

Sentyabrın 29-dək davam edəcək konfransda Əli Rəcəblinin “XVII-XIX əsrlərdə Azərbaycan xanlıqlarında sikkələrin kəsilməsi və pul dövriyyəsi” mövzusunda məruzəsi dinləniləcək.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.