MƏDƏNİYYƏT


Alisa yeni macəralarla görüşə gəlir

Bakı, 21 mart, AZƏRTAC

Martın 24-də S.Vurğun adına Azərbaycan Dövlət Rus Dram Teatrında “Alisa yeni macəralar axtarışında” adlı uşaq şou-müziklin premyerası olacaq.

AZƏRTAC Rus Dram Teatrının saytına istinadla xəbər verir ki, tamaşaçıları Luis Kerrolun ölməz süjetinin yeni və gözlənilməz səhnə təcəssümü qarşılayacaq. Şouda möcüzə reallığa çevriləcək, reallıq isə möcüzəyə bənzəyəcək. Gözlənilməz obrazlar, rəngarəng dekorasiya və kostyumlar, hazırcavab aktyor oyunu, şux musiqi nə balaca tamaşaçıları, nə də böyüklərin auditoriyasını laqeyd qoymayacaq. Şounun yaradıcıları L.Kerrolun kitabından əsas səhnələri saxlayıblar.

“Alisa yeni macəralar axtarışında” adlı şou-müzikl təkcə hər şeyi bilməyə can atan qızın nağıllar ölkəsinə səyahəti deyil, həm də L.Kerrolun “Alisa möcüzələr ölkəsində” əsərində təsvir etdiyi fantastik dünyanın məxsusi dekorasiyalarıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.