DÜNYA


Almaniya Berlindəki terrorda şübhəli bilinən tunislinin öldürüldüyü İtaliyaya xüsusi qrup göndərir

Bakı, 23 dekabr, AZƏRTAC

Almaniya federal cinayət polisi idarəsinin bazasında yaradılmış xüsusi əməliyyat qrupu Berlində törədilmiş terror aktında şübhəli bilinən Anis Amrinin öldürüldüyü İtaliyaya yola düşməyə hazırlaşır.

AZƏRTAC RİA Novosti informasiya agentliyinə istinadla xəbər verir ki, daxili işlər naziri Tomas de Mezyerin bununla bağlı çıxışı Almaniya telekanallarında canlı yayımlanıb. “İtaliyalı həmkarlarımız bizə istənilən formada genişmiqyaslı əməkdaşlıq təklif ediblər”, - deyə nazir bildirib.

Reuters agentliyinin məlumatına görə, hücumun məsuliyyətini İŞİD qruplaşması üzərinə götürüb.

Xatırladaq ki, terror aktında şübhəli bilinən 24 yaşlı tunisli Anis Amri haqqında rəsmi axtarış elan edilmişdi. Cümə günü məlum olub ki, Amri İtaliyada polislə atışmada öldürülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.