DÜNYA


Almaniya hökuməti qaçqınlara daha 2,6 milyard avro ayıracaq

A+ A

Bakı, 2 noyabr, AZƏRTAC

Almaniya hökuməti bu il qaçqınların ehtiyacını ödəmək uçun federal torpaqlara əlavə olaraq 2,6 milyard avro ayıracaq.

AZƏRTAC Interfax informasiya agentliyinə istinadla xəbər verir ki, hökumət bu qərarı federal torpaqların ilin əvvəlindən avqust ayınadək qaçqınlara xərclədiyi real vəsaitin məbləği barədə hesabatından sonra qəbul edib. Berlin ayrılacaq vəsaiti adambaşına ayda 670 avrodan götürəcək.

Almaniya 2016-cı ildə bu məqsədlə ümumilikdə 7 milyard avro xərcləməyi nəzərdə tutsa da, bu vəsait yetərli olmayıb. Sonuncu əlavə də nəzərə alınsa, mühacirlərə çəkilən xərclər 9,5 milyard avroya qədər artıb.

Hökumətin fikrincə, bu qərar Almaniyanın dövlət borcunun artmasına səbəb olmayacaq. Belə ki, ölkə büdcəsində qaçqınlarla bağlı xərclərə görə 6,1 milyard avro ehtiyat vəsait nəzərdə tutulub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.