İDMAN


Almaniya klubu yeni baş məşqçi axtarışında

Bakı, 18 oktyabr, AZƏRTAC 

Almaniyanın “Volfsburq” klubu baş məşqçi Diter Hekkinqlə yollarını ayırıb.

AZƏRTAC xəbər verir ki, buna səbəb komandanın uğursuz çıxış etməsidir. “Volfsburq” cari mövsümdə avrokuboklara vəsiqə qazana bilməyib. Komanda ötən mövsümü 8-ci pillədə tamamlayıb. Hazırda Almaniya təmsilçisi 7 oyundan cəmi 6 xal toplayaraq turnir cədvəlinin 14-cü pilləsində qərarlaşıb.

Baş məşqçi postu müvəqqəti olaraq 23 yaşadək futbolçulardan ibarət komandaya rəhbərlik edən Valeryen İsmaelə həvalə edilib.

Onun rəhbərliyi altında komanda Bundesliqanın 8-ci turunda “Darmştadt”la qarşılaşacaq.

İstənilən halda, klub yeni baş məşqçinin axtarışına da çıxıb. Danışıqlar iki əsas namizədlə aparılır. Bunlar vaxtı ilə “Porto”, “Çelsi” və “Tottenhem”i çalışdırmış Andre Villaş-Boaş və “Şalke”nin əvvəlki baş məşqçisi Andre Braytenrayterdir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.