DÜNYA


Almaniya və Polşa arxeoloqları nasistlərin “qızıl qatarı”nı axtarmağa başlayırlar

A+ A

Berlin, 13 avqust, AZƏRTAC

Cümə günü, avqustun 12-də Almaniya və Polşa arxeoloqları vaxtilə nasistlərin qarət etdiyi qızılın ola biləcəyi zirehli qatarın axtarışının yeni mərhələsini başlayıblar. Qazıntı işləri Aşağı Sileziyada, Polşanın Vroslav və Valbjix şəhərləri arasındakı dəmir yolu sahəsində başlanacaq. Çoxsaylı yeraltı tunellərdən birinin həmin ərazidə olması güman edilir. Qazıntı işlərini fərdi sponsorlar maliyyələşdirirlər. Polşanın hakimiyyət orqanları bu axtarışlara qoşulmaqdan imtina ediblər. Axtarış komandasının nümayəndəsi Andjey Qaik deyib: “Qatarın axtarışı ot tayasında iynə axtarmağa bərabər deyil. Əgər qatar oradadırsa, biz onu tapacağıq. Biz tuneli tapsaq, bu artıq uğur demək olacaq. Qatar isə çox ehtimal ki, tuneldə gizlədilib”.

2015-ci ilin avqust ayında geoloji radarların köməyi ilə sensasiyalı bir kəşf edilib. Polşanın mədəniyyət və milli irs nazirinin müavini Pyotr Juxovski o vaxt 99 faiz əminliklə demişdi ki, İkinci Dünya müharibəsi dövrünə aid dəmir yol qatarı həqiqətən yeraltı tunellərin birində qeydiyyata alınıb. Bu xəbərlər Aşağı Sileziyada əsl “qızıl həyəcanı”na səbəb olub.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.