DÜNYA


Almaniyada varlıların daha çox vergi ödəmələri təklif olunur

Bakı, 8 iyul, AZƏRTAC

Almaniyanın Sosial-Demokratlar Partiyası bəyan edib ki, partiya tərəfindən varlı vətəndaşları daha çox vergi ödəməyə məcbur etmək planlaşdırılır - bununla da, əhalinin nisbətən kasıb təbəqəsinin vergi yükünü azaltmaq mümkündür.

AZƏRTAC “vergiler.az” saytına istinadla bildirir ki, analitiklərin rəyinə görə, partiya bu vədi verməklə payızda keçiriləcək seçkilərdə fəhlə sinfindən daha çox səs toplayacağına ümid edir.

Partiyanın lideri Martin Şults qeyd edib ki, “Biz aşağı və ortagəlirli vətəndaşların vergi yükünü yüngülləşdirəcək və onların ailələrini dəstəkləyəcəyik. Almaniyada varlılardan tutulan vergilərin artırılması yalnız öz ölkəmiz üçün deyil, həm də bütün Avropa üçün faydalıdır”.

Partiyanın başqa bir təklifi isə il ərzində 250 min avro və daha artıq qazananlar üçün xüsusi yığım dərəcəsini hazırkı 45 faizdən 48 faizə qaldırmaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.