DÜNYA


Almatıda baş verən atışmada 4 nəfər ölüb, 14 nəfər yaralanıb [YENİLƏNİB] VİDEO

A+ A

Bakı, 18 iyul, AZƏRTAC

Almatı şəhərində naməlum şəxslərin polis bölməsinə və Milli Təhlükəsizlik Komitəsinin yerli departamentinə basqını nəticəsində həlak olanların sayı 4 nəfərə çatıb.

AZƏRTAC Qazaxıstan mətbuatına istinadla xəbər verir ki, hadisə nəticəsində 3 polis əməkdaşı və silahlıların ələ keçirməyə çalışdığı minik avtomobilinin sürücüsü həlak olub. Silahlı qarşıdurma nəticəsində 14 nəfərin yaralandığı bildirilir.

 

12:24

Bakı, 18 iyul, AZƏRTAC

İyulun 18-də Almaatı şəhərində ən yüksək - qırmızı terror təhlükəsi səviyyəsi elan edilib. Bu barədə şəhərin Daxili İşlər Departamentindən bildiriblər.

AZƏRTAC xarici KİV-lərə istinadla xəbər verir ki, Almatı şəhərində baş verən atışma nəticəsində ən azı 2 polis əməkdaşı həlak olub, 7 polis isə reanimasiyaya yerləşdirilib. Təcili tibbi yardım xəstəxanası silahlı mühafizə altına alınıb. Dinc əhali arasında ölən və ya yaralanan yoxdur.

Şəhərdə keçirilən antiterror əməliyyatı çərçivəsində “Almatı-1” dəmiryol vağzalı mühafizə altına götürülüb. Qazaxıstan KİV-nin məlumatına əsasən, polisin vağzalı mühasirəyə almasına binaya partladıcı qurğunun yerləşdirilməsi barədə informasiya səbəb olub.

Bir qədər əvvəl KİV-lər Qazaxıstan daxili İşlər Nazirliyinin Almatı şəhərinin Almalı rayon şöbəsi yaxınlığında baş verən atışma nəticəsində 2 polis əməkdaşının həlak olduğunu yazıb. Mənbənin məlumatına əsasən, hücum edən şəxslərdən bir nəfər saxlanılıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.