MƏDƏNİYYƏT


Əməkdar Artist İsfar Sarabski Vyanada “Salam, Orient“ festivalında çıxış edib VİDEO

A+ A

Vyana, 29 oktyabr, AZƏRTAC

Azərbaycanın Əməkdar Artisti, pianoçu və bəstəkar İsfar Sarabski və qrupu oktyabrın 28-də Vyanada “Salam, Orient” (“Salam, Şərq”) festivalı çərçivəsində konsert proqramı ilə çıxış edib.

Konsert Avstriya Teleradiosu (ORF), Azərbaycan Mədəniyyət Mərkəzi və “Salam, Orient” festivalının birgə əməkdaşlığı ilə “ORF Radiokulturhaus“ konsert zalında keçirilib.

Əvvəlcə festivalın təşkilatçısı və bədii rəhbəri Norbert Ehrlix çıxış edib. O, rəhbərlik etdiyi festivalın proqramında Azərbaycan musiqisinin özünəməxsus yer tutduğunu bildirib. Qeyd edilib ki, festivalda Azərbaycan muğam ustalarının konsertləri ilə yanaşı, Azərbaycan cazı da musiqisevərlər tərəfindən böyük rəğbətlə qarşılanır. N.Ehrlix bu layihənin ərsəyə gəlməsində Vyanada fəaliyyət göstərən Azərbaycan Mədəniyyət Mərkəzinin göstərdiyi dəstəyə görə təşəkkür edib.

Caz konsertində İsfar Sarabski ilə birgə Şəhriyar İmanov (tar), Saşa Zinger (zərb alətləri), Aleksey Miltiks (violonçel), İlqar Rzayev, Ümidə Abbasova, Osman Eyyublu (hər üçü skripka) və Makar Novikov (kontrabas) da səhnəyə çıxıblar. Müxtəlif caz kompozisiyaları, xüsusilə “Novruz“, “G-Man”, “Edge” kompozisiyaları tamaşaçılar tərəfindən sürəkli alqışlarla qarşılanıb.

Konsert “Avstriya 1“ radiosu tərəfindən yazılıb və yaxın müddətdə radionun caz proqramlarında səsləndiriləcək.

Elgün Niftəliyev

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.