MƏDƏNİYYƏT


Əməkdar Artist Yaqub Zurufçu Kanada və ABŞ-da konsert verəcək

A+ A

Bakı, 3 sentyabr, AZƏRTAC

Azərbaycanın Əməkdar Artisti Yaqub Zurufçu Kanada və ABŞ-da bir neçə konsert proqramı ilə çıxış edəcək.

Bu barədə AZƏRTAC-a məlumat verən müğənni deyib ki, oktyabrın 21-də Kanadanın Toronto, daha sonra isə Vankuver və Monreal şəhərlərində konsert verəcək. Həmçinin, müğənni ABŞ-ın Los-Anceles şəhərində və digər bir sıra şəhərlərdə konsert proqramı ilə çıxış etməyi planlaşdırır.

Müğənni deyib: “Həmişə konsertlərimdə Azərbaycan musiqisi səsləndirmişəm, bir sözlə, klassik və illərin sınağından keçmiş ən gözəl əsərləri ifa etmişəm. Budəfəki konsertlərimdə də öz milli mahnılarımızı, bəstəkar və xalq mahnılarını oxuyacağam”.

Qeyd edək ki, sənətkar bu gün M.Maqomayev adına Azərbaycan Dövlət Filarmoniyasında möhtəşəm konsert proqramı ilə çıxış edəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.