İQTİSADİYYAT


Amerikalı alimlər özü məhv olan akkumulyator yaradıblar

A+ A

Bakı, 9 avqust, AZƏRTAC

Avtomatik məhv olan elektronika hərbi və ya tibb sahəsi daxil olmaqla, müxtəlif sahələrdə tətbiq edilə bilər. Müxtəlif ölkələrdən olan alimlər belə tip qurğuların yaradılması üzərində fəal işləyirlər. Amma bu sahədə əsas problemlərdən biri özü məhv olan akkumulyatorların yaradılması idi və avtomatik məhv olan qurğu nümunələrinin əksəriyyəti kənar enerji mənbələrindən istifadə edirdi.

AZƏRTAC “newsru.com” saytına istinadla xəbər verir ki, Ayova Universitetindən olan alimlər qrupu tərəfindən hazırlanan, sabit və uzunmüddətli işləməsi ilə seçilən özü məhv olan akkumulyator bu vəziyyəti dəyişə bilər.

Məlumata görə, alimlər tərəfindən yaradılmış litium-ion akkumulyatorunun ölçüsü 6x5x1 millimetr təşkil edir və adi masaüstü kalkulyatoru 15 dəqiqə ərzində enerji ilə doldurur. Batareyanın çıxış gərginliyi 2.5 voltdur. Bu göstərici avtomatik məhv olan batareyaların əvvəlki nümunələrinin gərginlik göstəricilərini iki dəfə ötür.

Hazırda alimlər avtomatik məhv olan batareyaların təkmilləşdirilmiş nümunələri üzərində işləyirlər. Belə akkumulyatorların kütləvi istehsala çıxarılma tarixi açıqlanmayıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.