CƏMİYYƏT


Analitik Ekspertiza Mərkəzi fəaliyyətində beynəlxalq standartları tətbiq edir

A+ A

Bakı, 7 oktyabr, AZƏRTAC

“Azərbaycan 2020: gələcəyə baxış” İnkişaf Konsepsiyasının 8-ci hissəsinə əsasən prioritet inkişaf sahələri üzrə tədbirlərin həyata keçirilməsi məqsədilə “Azərbaycan Respublikası Səhiyyə Nazirliyinin 2014-2020-ci illər üzrə strateji planı" təsdiq edilib.

Səhiyyə Nazirliyinin mətbuat xidmətindən AZƏRTAC-a bildirilib ki, əhalinin keyfiyyətli, təhlükəsiz və effektiv dərman vasitələri və tibbi təyinatlı mallarla təmin edilməsinin, eləcə də dərman vasitələrinin hazırlanması, yoxlanılması, istehsalı, qeydiyyatı, satışı və istifadəsinin beynəlxalq standartlara uyğunlaşdırılması bu sənəddə yer alan aktual məsələlərdən biridir.

Dərman vasitələrinin istehsal prosesinin yüksək səviyyədə təşkili hazırkı dövrdə Etibarlı İstehsalat Praktikasının (Good Manufacturing Practice - GMP) tələbləri əsasında aparılır. Bu tələblər dərman vasitələrinin istehsalının bütün mərhələlərini tənzimləyir. GMP-nin tarixi 1963-cü il ABŞ-dan başlayır. Bu sahədə ilk beynəlxalq sənəd isə 1968-ci ildə Dunya Səhiyyə Təşkilatının mütəxəssisləri tərəfindən hazırlanıb və 70-ci illərdən başlayaraq GMP konsepsiyası bütün dünya ölkələrində geniş vüsət alıb. Hazırda bu tələblər dərman vasitələri, tibbi avadanlıq, qida məhsulları, qida əlavələri və kosmetik vasitələrin istehsalında tətbiq edilməkdədir.

Səhiyyə Nazirliyinin Analitik Ekspertiza Mərkəzində cari ildən başlayaraq illik GMP təftişi həyata keçirilir. Belə ki, son dörd ay ərzində müxtəlif ölkələrin dərman istehsalı ilə məşğul olan 8 şirkətinin GMP tələblərinə uyğun təftişi aparılıb. Bununla yanaşı, yoxlamaları aparan mütəxəssislərin peşəkarlıq səviyyəsi daha da artırılıb və bu sahəyə yeni kadrlar cəlb olunub. Bu sahədə milli tələblərin işlənib hazırlanması çox mühüm məsələlərdən biridir və artıq bu istiqamətdə müəyyən tədbirlər görülməyə başlanılıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.