MƏDƏNİYYƏT


“Anamın kitabı” növbəti dəfə Milli Dram Teatrının səhnəsində

Bakı, 9 iyun, AZƏRTAC

İyunun 10-da Azərbaycan Dövlət Akademik Milli Dram Teatrının səhnəsində C.Məmmədquluzadənin “Anamın kitabı” pyesi əsasında hazırlanmış eyniadlı tamaşa təqdim ediləcək.

Teatrın mətbuat xidmətindən AZƏRTAC-a bildirilib ki, ikihissəli tragikomediya Əməkdar Artist Firudin Məhərrəmovun quruluşunda hazırlanıb.

Səhnə əsərinin quruluşçu rəssamı Ülviyyə Zərbalıyeva, musiqi tərtibatçısı isə Həmid Kazımzadədir. Tamaşada əsas rolları Əməkdar artistlər Səidə Quliyeva, İradə Həsənova, Ayşad Məmmədov, Kazım Həsənquliyev, Aslan Şirin, aktyorlar Anar Heybətov, Hikmət Rəhimov, Ramin Şıxəliyev və başqaları ifa edəcəklər.

1920-ci ildə qələmə alınmış pyesin əsas ideyası Vətənə, xalqa, ana dilinə sadiq olmağa çağırışdır. Əsərdə müxtəlif dövlətlərə meyli olan ziyalıların səhv yol tutduqları tənqid olunur. Müəllifə görə, xalqın nicat yolu kiminsə, hansı dövlətinsə ağuşuna atılmaq yox, Vətən ideyası ətrafında birləşməkdədir.

Qeyd edək ki, tamaşanın premyerası 2012-ci il dekabrın 8-də keçirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.