DÜNYA


“Android” gələcək “Audi” və “Volvo” avtomobillərində quraşdırılacaq

Bakı, 18 may, AZƏRTAC

İsveçin “Volvo” və Almaniyanın “Audi” avtomobil istehsalçıları internet nəhəngi “Google” şirkəti ilə əməkdaşlığa başlayıb. Əməkdaşlıq çərçivəsində “Android” mobil əməliyyat sisteminin növbəti nəsil avtomobillərə inteqrasiyası nəzərdə tutulur.

AZƏRTAC “Naked Science” resursuna istinadən bildirir ki, mütəxəssislər smartfonun avtomobilə USB kabel vasitəsilə qoşulması ilə işləyən və qurğunun imkanlarından asılı olan “Android Auto” sistemindən istifadə əvəzinə, “Android”i “Audi” və “Volvo” avtomobillərində əməliyyat sistemi kimi quraşdırmaq qərarına gəliblər.

Beləliklə, avtomobilin informasiya və əyləncə sisteminin imkanları genişlənəcək. Smartfonda musiqini səsləndirmək və ya onu avtomobilə translyasiya etmək əvəzinə, istifadəçi musiqi üçün bütöv əlavəni birbaşa əyləncə sisteminə quraşdıra biləcək. “Volvo” nümayəndələrinin sözlərinə görə, “Android”in tətbiqi avtomobil sahiblərinə daha çox əlavələrdən yararlanmağa və köhnə avtomobillərin əməliyyat sisteminin yenilənməsini asanlaşdırmağa imkan verəcək.

Bundan başqa, “Google” əməliyyat sistemindən avtomobilin bir neçə sistemi ilə əlaqə üçün istifadəni (Məsələn, kondisioneri, damda lyuku və ya pəncərələri idarə etmək) təklif edir.

Bu həftə “Google” “I/O” konfransında “Android” sisteminin avtomobillərə inteqrasiyası barədə ətraflı məlumat təqdim etməyi planlaşdırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.