DÜNYA


Angela Merkel Almaniya kansleri postuna rəsmən namizəd olub

Bakı, 6 fevral, AZƏRTAC

Xristian-Sosial İttifaqı Partiyası (XSİ) Angela Merkeli rəsmən AFR-in kansleri postuna namizəd irəli sürüb. Bu barədə Almaniyanın “Bild” qəzeti məlumat dərc edib.

AZƏRTAC Interfax informasiya agentliyinə istinadla xəbər verir ki, beləliklə Xristian-Demokratik İttifaqı Partiyasına (XDİ) başçılıq edən Angela Merkel bundan sonra həm də XSİ Partiyasının bu posta namizədi olacaq.

Nəşrin məlumatına əsasən, bir qədər əvvəl Merkel yenidən Almaniya kansleri vəzifəsini tutmağa hazır olduğunu bildirib. Seçkilərdə qələbə çalacağı təqdirdə bu onun dördüncü kansler müddəti olacaq.

Bu ərəfədə Almaniyanın ictimai rəyi öyrənən İNSA institutu “Bild” qəzetinin sifarişinə əsasən partiyaların populyarlığını öyrənmək məqsədilə sorğu keçirib. Sorğunun nəticələrinə görə, ilk dəfə olaraq Almaniya Sosial-Demokratik Partiyası (ASDP) populyarlıqda XSİ/XDİ koalisiyasını üstələyib. Belə ki, rəyi soruşulanların 31 faizi sosial-demokratlara, 30 faizi isə XSİ/XDİ blokuna səs verməyə hazır olduğunu bildirib. Ötən həftə keçirilmiş analoji rəy sorğusu ilə müqayisədə ASDP reytinqini 4 faiz yaxşılaşdırdığı halda, Angela Merkelin bloku populyarlığını 3 faiz itirib.

Qeyd edək ki, Almaniya Bundestaqına seçkilər 2017-ci ilin sentyabr ayında keçiriləcək. Bundan sonra ölkədə yeni hökumət formalaşacaq və yeni kansler seçiləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.