DÜNYA


Angela Merkel Berlin parlamentinə seçkilərin nəticəsindən məyus olub

Bakı, 19 sentyabr, AZƏRTAC

Almaniya kansleri Angela Merkel Berlin parlamentinə seçkiləri şərh edərkən nəticələrin qənaətbəxş olmadığını və məyusluq doğurduğunu bildirib.

AZƏRTAC Rusiyanın NTV telekanalına istinadla xəbər verir ki, Xristian-Demokratik İttifaqı Partiyası əvvəlki seçkilərlə müqayisədə daha 6 faiz səs itirib. Kanslerin sözlərinə görə, artıq “böyük koalisiya” çoxluğu təmsil etmir və bu, çox acınacaqlıdır. Eyni zamanda, Merkel sədri olduğu partiyanın seçkilərdə uğursuz iştirakının məsuliyyətini də öz üzərindən atmayıb.

Kansler, həmçinin Xristian-Demokratik İttifaqının Almaniyaya islam dini mənsublarının girişini məhdudlaşdırmayacağını bildirib.

Qeyd edək ki, Berlində keçirilən parlament seçkiləri Angela Merkelin hakim koalisiyasının çoxluğu itirməsi ilə nəticələnib. Onlar əsasən də paytaxt parlamentinə daxil olan “Almaniya üçün alternativ” partiyası kimi rəqiblərin güclənməsi fonunda səslərini itirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.