ELM VƏ TƏHSİL


Ankarada İslam Dünyası Ali Təhsil Konfransının təsis  edilməsinə dair müzakirələr aparılır

Ankara, 26 iyul, АZƏRTAC

Ankarada İslam Dünyası Ali Təhsil Konfransının təsis edilməsi ilə bağlı müsəlman ölkələrinin tanınmış universitetlərinin rektorlarının dördüncü toplantısı keçirilir.

Türkiyə Ali Təhsil Şurasının təşəbbüsü ilə keçirilən toplantı Prezident Administrasiyasında təşkil olunub.

Toplantıda ölkəmizi müxtəlif ali məktəblərin rektorlarından ibarət heyət təmsil edib.

Türkiyə Prezidenti Rəcəb Tayyib Ərdoğan toplantının rəsmi açılış mərasimində çıxış edib.

İslam Dünyası Ali Təhsil Sahəsinin təsis edilməsi ideyasının məqsədi müsəlman ölkələrinin nüfuzlu ali məktəbləri arasında tələbə mübadiləsini genişləndirmək, mövcud təcrübələrdən qarşılıqlı olaraq daha səmərəli istifadə etmək, rektorluqlar arasında əlaqələri gücləndirmək, xarici ölkələrdə təhsil alan gənclərin öz vətənlərinə dönmələrinə çalışmaqdır.

Toplantı iyulun 27-də panellər üzrə davam edəcək.

 

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.