ELM VƏ TƏHSİL


“Apple” sifətin tanınması texnologiyasının istehsalçısını satın alıb

Bakı, 13 iyun, AZƏRTAC 

“Apple” şirkəti İsrailin sifətin tanınması texnologiyasının hazırlanmasında ixtisaslaşan “RealFace” şirkətini satın alıb.

AZƏRTAC “3dnews.ru” saytına istinadla bildirir ki, Təl-Əvivdə fəaliyyət göstərən “RealFace” şirkətinin əsası 2014-cü ildə qoyulub. Şirkətə sahib olmaq “Apple” korporasiyasına iki milyon dollara başa gəlib.

“RealFace” saytı hazırda “offline” rejimdə işləyir. Startap sifətin tanınması üzrə süni intellektlə inteqrasiya edilən unikal texnologiya hazırlayıb. “RealFace” proqram təminatı digər qurğularla müqayisədə sifətin asanlıqla tanınmasını təmin edir. Şirkətdən verilən məlumata görə yeni proqram müştərilərə sistemə giriş üçün “ağıllı” biometrik həll təklif etməyə çalışır ki, bunu mobil qurğularda da istifadə etmək mümkün olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.