REGİONLAR


Aqrar Universitetlə Çinin Şandon Kənd Təsərrüfatı Elmləri Akademiyası arasında memorandum imzalanıb

Bakı, 30 iyun, AZƏRTAC

Çin Xalq Respublikasının Şandon əyalətinin Tzinan şəhərində “Bir kəmər-bir yol” strategiyası çərçivəsində “Şandon əyalətinin və 5 Mərkəzi Asiya ölkəsinin aqrotexniki əməkdaşlığı üzrə Forumu”nda Azərbaycan Dövlət Aqrar Universiteti ilə bu əyalətin Kənd Təsərrüfatı Elmləri Akademiyası arasında anlaşma memorandumu imzalanıb.

Kənd Təsərrüfatı Nazirliyindən AZƏRTAC-a bildiriblər ki, memorandumu Akademiyanın prezidenti Van Şubo və Azərbaycan Dövlət Aqrar Universitetinin prorektoru Anar Hətəmov imzalayıb. Memorandumda birgə elmi-tədqiqat işlərinin yerinə yetirilməsi, qarşılıqlı təcrübə mübadiləsini həyata keçirilməsi nəzərdə tutulub.

Səfər çərçivəsində Anar Hətəmov Akademiyanın, o cümlədən İpəkçilik Elmi-Tədqiqat İnstitutunun maddi-texniki bazası ilə yaxından tanış olub, “Azərbaycanda kənd təsərrüfatının inkişaf meyilləri” mövzusunda təqdimatla çıxış edib.

Qeyd edək ki, 1903-cü ildə əsası qoyulan Şandon Kənd Təsərrüfatı Elmləri Akademiyası özündə 16 idarəetmə bölməsini, 22 elmi-tədqiqat institutunu, 18 akademik bölməni və 1 post doktorantura stansiyasını birləşdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.